ନିଜ ଗ୍ରାମ ବାଗାରାମା ରେ ପହଁଚିଲା ସହିଦ ସଞ୍ଜୟ କୁମାର ପ୍ରଧାନ ଙ୍କ ମରଶରୀର

ଜି. ଉଦୟଗିରି : ଅନିଲ କୁମାର ଦଳବେହେରା -ଆଜି ସକାଳ 8.00 ଘଂଟିକା ସମୟରେ ବିହାର ରେଜିମେଣ୍ଟ ରେ କାର୍ଯ୍ୟ ରତ ସିପାହୀ ସହିଦ ସଞ୍ଜୟ କୁମାର ପ୍ରଧାନ ଙ୍କ ମରଶରୀର ନିଜ ଭିଟାମାଟି ରାଇକିଆ ବ୍ଲକ ବାଗାରମା ଗ୍ରାମରେ ପହଂଚିଛି ! ସେ ଜାମୁ କାଶ୍ମୀର ର କୁଥବାଡ଼ା ଜିଲ୍ଲା ର କୀଗାମ ଗାଁ ରେ 47 RR ବାଟାଲିଆନ ରେ କାର୍ଯ୍ୟରତ ସିପାହୀ ଥିଲେ ! ଗତ 13-06-2021 ଦିନ 10.00ଘଣ୍ଟା ସମୟରେ ତାଙ୍କ ସ୍ୱାସ୍ଥ୍ୟ ଅସୁସ୍ଥ ହେବାରୁ ତାଙ୍କୁ ଚିକିତ୍ସା ନିମନ୍ତେ ନିଆ ଯାଇଥିଲା ଏବଂ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ ! ମୃତ୍ୟୁ ବେଳକୁ ତାଙ୍କ ବୟସ 35 ବର୍ଷ ହୋଇଥିଲା ! ତାଙ୍କ ମୃତ୍ୟୁ ହୃଦଘାତ ଜନିତ ହୋଇଥିବା ବାଗାରମା ବାସିନ୍ଦା ପ୍ରକାଶ କରିଅଛନ୍ତି ! ପରିବାର କହିଲେ ବୁଢ଼ୀ ମା, ସ୍ତ୍ରୀ, ଗୋଟିଏ 9 ବର୍ଷର ପୁଅ ଏବଂ ଦୁଇ ଭାଇ ! ତାଙ୍କ ମରଶରୀର ସୁଦୂର ଶ୍ରୀନଗର ରୁ ଉଡ଼ାଜାହାଜ ଯୋଗେ ଭୁବନେଶ୍ୱର ଏବଂ ଆମ୍ବୁଲାନ୍ସ ରେ ଭୁବନେଶ୍ୱର ଠାରୁ କଳିଙ୍ଗା ଆସି ଆଜି ସକାଳ 5.00ଘଂଟିକା ସମୟରେ ପହଞ୍ଚିଥିଲା ! ସ୍ଥାନୀୟ ପୋଲିସ ଏବଂ ପ୍ରଶାସନ ଦ୍ଵାରା ରାଷ୍ଟ୍ରୀୟ ମର୍ଯ୍ୟାଦା ସହ ବାଗାରାମା ଗ୍ରାମ ଅଭିମୁଖେ ସ୍ବର୍ଗତ ସଞ୍ଜୟ କୁମାର ପ୍ରଧାନ ଅମର ରହେ, ଭାରତ ମାତା କି ଜୟ ସ୍ଲୋଗାନ ଦେଇ ତାଙ୍କ ମରଶରୀର ନିଆଯାଇଥିଲା ! ବାଗାରାମା ଗ୍ରାମବାସୀ, ସେନାଧିକାରୀ ଏବଂ ତାଙ୍କ ସପରିବାର ଉପସ୍ଥିତିରେ ତାଙ୍କମରଶରୀର ର ଶେଷକୃତ୍ୟ ସମ୍ପନ ହୋଇଥିଲା !