EOW ଅଫିସ୍‌ରେ ଜ୍ୟାକଲିନ୍‌, ଅଭିନେତ୍ରୀଙ୍କୁ ପଚରାଉଚୁରା କରୁଛି ଦିଲ୍ଳୀ ପୋଲିସ୍‌

ନୂଆଦିଲ୍ଳୀ ୧୪।୦୯: ବଲିଉଡ ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଣ୍ଡିଜ୍‌ । ବର୍ତ୍ତମାନ ଦିଲ୍ଲୀ ପୋଲିସ କାର୍ଯ୍ୟାଳୟରେ ପହଞ୍ଚିଛନ୍ତି। ଜ୍ୟାକଲିନ ଏବଂ ସୁକେଶଙ୍କୁ ଭେଟିଥିବା ଅଭିନେତ୍ରୀ ପିଙ୍କି ଇରାନୀଙ୍କ ସହ EOW କାର୍ଯ୍ୟାଳୟରେ ମଧ୍ୟ ପହଞ୍ଚିଛନ୍ତି। ବୁଧବାର ଅର୍ଥାତ୍ ଆଜି ସୁକେଶ ଚନ୍ଦ୍ରଶେଖର ମନି ଲଣ୍ଡରିଂ ମାମଲାରେ ଉଭୟଙ୍କୁ ପଚରାଉଚରା କରାଯିବ। ସୁକେଶ ଚନ୍ଦ୍ରଶେଖର ମାମଲାରେ ଉଭୟଙ୍କୁ ଘେରିବାକୁ ପୋଲିସ ପ୍ରଶ୍ନର ଏକ ଲମ୍ବା ତାଲିକା ପ୍ରସ୍ତୁତ କରିଛି। ବରିଷ୍ଠ ପୋଲିସ ଅଧିକାରୀ ଏକ ଏଜେନ୍ସିକୁ କହିଛନ୍ତି ଯେ ଜ୍ୟାକଲିନଙ୍କୁ ପଚରାଯିବା ପାଇଁ ପ୍ରଶ୍ନର ଏକ ତାଲିକା ପ୍ରସ୍ତୁତ କରାଯାଇଛି। ଏହି ସମସ୍ତ ପ୍ରଶ୍ନ ସୁକେଶଙ୍କ ସହ ଥିବା ସମ୍ପର୍କ ଏବଂ ତାଙ୍କ ଠାରୁ ପ୍ରାପ୍ତ ଉପହାର ଉପରେ ଆଧାରିତ । କେବଳ ଏତିକି ନୁହେଁ, ପ୍ରଶ୍ନ-ଉତ୍ତର ଅଧିବେଶନ ସମୟରେ, ଏହା ମଧ୍ୟ ପଚରାଯିବ ଯେ ସେ ଠକ ସୁକେଶଙ୍କୁ କେତେ ଥର ଭେଟିଛନ୍ତି କିମ୍ବା ଫୋନରେ କେତେ ଯୋଗାଯୋଗ କରିଥିଲେ।