ଏପ୍ରିଲ୍‌ ୩୦ରେ ଲାଗିବ ବର୍ଷର ପ୍ରଥମ ସୂର୍ଯ୍ୟଗ୍ରହଣ

ନୂଆଦିଲ୍ଳୀ ୧୯।୦୪: ହିନ୍ଦୁ ଧର୍ମରେ ସୂର୍ଯ୍ୟ ଏବଂ ଚନ୍ଦ୍ରଗ୍ରହଣ ଅତ୍ୟନ୍ତ ଗୁରୁତ୍ୱ ତଥା ମହତ୍ତ୍ବପୂର୍ଣ୍ଣ ଭାବେ ବିବେଚନା କରାଯାଏ। ସେହିଭଳି ଜ୍ୟୋତିର୍ବିଜ୍ଞାନରେ ମଧ୍ୟ ଚନ୍ଦ୍ରଗ୍ରହଣ ଏକ ବଡ଼ ଘଟଣା ଭାବରେ ଦେଖାଯାଏ। ଚଳିତ ବର୍ଷ ଏପ୍ରିଲ୍ ମାସରେ ପୃଥିବୀର ପ୍ରଥମ ସୂର୍ଯ୍ୟ ଗ୍ରହଣ ଲାଗିବ। ଶନିବାର, ଏପ୍ରିଲ ୩୦ରେ ଏକ ସୂର୍ଯ୍ୟ ଗ୍ରହଣ ହେବ। ତେବେ କହିବାକୁ ଗଲେ ବର୍ଷକୁ ଅନେକ ଥର ସୂର୍ଯ୍ୟ ଗ୍ରହଣ ଏବଂ ଚନ୍ଦ୍ର ଗ୍ରହଣର ହୋଇଥାଏ। ହେଲେ ଜ୍ୟୋତିଷ ଶାସ୍ତ୍ର ଅନୁସାରେ, ଏକ ସୂର୍ଯ୍ୟ ଗ୍ରହଣ ଏକ ଅପ୍ରତ୍ୟାଶିତ ତଥା ଅଶୁଭ ବୋଲି କୁହାଯାଏ। ଜ୍ୟୋତିର୍ବିଜ୍ଞାନୀଙ୍କ ଅନୁଯାୟୀ, ଯେତେବେଳେ ଚନ୍ଦ୍ର ସୂର୍ଯ୍ୟଙ୍କୁ ସମ୍ପୂର୍ଣ୍ଣ ରୂପେ ଆଚ୍ଛାଦନ କରେ, ସେତେବେଳେ ସୂର୍ଯ୍ୟଙ୍କ କିରଣ ସେହି ସମୟରେ ପୃଥିବୀରେ ପହଞ୍ଚେ ନାହିଁ ଏବଂ ତା’ପରେ ସୂର୍ଯ୍ୟ ଗ୍ରହଣ ହୁଏ । ଚଳିତ ବର୍ଷର ପ୍ରଥମ ସୂର୍ଯ୍ୟ ଗ୍ରହଣ ୩୦ ଏପ୍ରିଲରେ ଲାଗିବ। ଏହା ଭାରତରେ ଏକ ଆଂଶିକ ସୂର୍ଯ୍ୟ ଗ୍ରହଣ ହେବ ଏବଂ ଏହି ଚନ୍ଦ୍ରଗ୍ରହଣ ସମୁଦାୟ ଅବଧି ୩ଘଣ୍ଟା ୫୨ମିନିଟ୍ ପର୍ଯ୍ୟନ୍ତ ରହିବ। ଏହାର ସମୟ ରାତି ୧୨.୧୫ ମିନିଟରୁ ସକାଳ ୦୪.୦୭ ମିନିଟ୍ ପର୍ଯ୍ୟନ୍ତ ରହିବ। ପ୍ରଥମ ସୂର୍ଯ୍ୟ ଗ୍ରହଣର ଆଂଶିକ ଚନ୍ଦ୍ରଗ୍ରହଣ ହେତୁ ଏଠାରେ ସୂତକ କାଳ ନିୟମ ପାଳନ ହେବା ନାହିଁ। ଏଭଳି ପରିସ୍ଥିତିରେ ସୂର୍ଯ୍ୟ ଗ୍ରହଣ ସମୟରେ ସୂତକ ସମୟର ନିୟମ ପାଳନ କରିବା ବାଧ୍ୟତାମୂଳକ ହେବ ନାହିଁ। ଜ୍ୟୋତିଷ ଶାସ୍ତ୍ର ଅନୁଯାୟୀ, ସମ୍ପୂର୍ଣ୍ଣ ଗ୍ରହଣ ଘଟଣାରେ ସୂତକକୁ ପ୍ରଭାବଶାଳୀ ବୋଲି ବିବେଚନା କରାଯାଏ । ଏଥର ବୃଷ ରାଶିରେ ଲାଗିବାକୁ ଯାଉଛି ସୂର୍ଯ୍ୟଗ୍ରହଣର ପ୍ରଭାବ । ଅବଶ୍ୟ, ଦକ୍ଷିଣ ଏବଂ ପଶ୍ଚିମ ଦକ୍ଷିଣ ଆମେରିକା, ଆଣ୍ଟାର୍କଟିକା, ଆଟଲାଣ୍ଟିକା ଏବଂ ପ୍ରଶାନ୍ତ ମହାସାଗରର ଅନେକ ସ୍ଥାନରେ ସୂର୍ଯ୍ୟଗ୍ରହଣ ଦେଖି ହେବ । ବର୍ଷର ପ୍ରଥମ ସୂର୍ଯ୍ୟଗ୍ରହଣ ଏପ୍ରିଲ ୩୦ରେ ହେବ, ଏହି ବର୍ଷର ଦ୍ୱିତୀୟ ସୂର୍ଯ୍ୟ ଗ୍ରହଣ ଅକ୍ଟୋବର ୨୫ରେ ମଙ୍ଗଳବାରକୁ ଲାଗିବ। ଏହି ସୂର୍ଯ୍ୟ ଗ୍ରହଣର ସମୟ ସନ୍ଧ୍ୟା ୪.୨୯ ମିନିଟରୁ ୫.୪୨ ମିନିଟ୍ ପର୍ଯ୍ୟନ୍ତ ହେବ ।