ଭାରତରେ ଦେଖାଦେଲାଣି ଡେଲଟା ପ୍ଲସ ଭ୍ୟାରିଆଣ୍ଟ, ଜାଣନ୍ତୁ ବୈଜ୍ଞାନିକଙ୍କ ମତ

ନୂଆଦିଲ୍ଲୀ : କରୋନାର ଏକ ନୂତନ ପ୍ରକାର ଭ୍ୟାରିଆଣ୍ଟ ଦେଖାଦେଇଛି । ଏହାକୁ ଡେଲଟା ପ୍ଲସ୍ ଭ୍ୟାରିଆଣ୍ଟ କୁହାଯାଉଛି। କରୋନା ଜୀବାଣୁର ଏହି ଅତ୍ୟଧିକ ସଂକ୍ରାମକ ପ୍ରକାର ‘ଡେଲଟା’ ରୁ ‘ଡେଲଟା ପ୍ଲସ୍’ କିମ୍ବା ‘AY1’ ରେ ପରିବର୍ତ୍ତନ ହୋଇଛି କିନ୍ତୁ ଭାରତରେ ଚିନ୍ତା କରିବାର କିଛି ନାହିଁ କାରଣ ଦେଶରେ ଏପର୍ଯ୍ୟନ୍ତ ବହୁତ କମ୍ ମାମଲା ରହିଛି ବୋଲି ବୈଜ୍ଞାନିକମାନେ ସୂଚନା ଦେଇଛନ୍ତି। ‘ଡେଲଟା ପ୍ଲସ୍’ ପ୍ରକାରଟି ଡେଲ୍ଟା କିମ୍ବା ‘B1.617.2’ ପ୍ରକାରର ଜୀବାଣୁ ଦ୍ବାରା ସୃଷ୍ଟି ହୋଇଥିଲା ଯାହା ପ୍ରଥମେ ଭାରତରେ ଚିହ୍ନଟ ହୋଇଥିଲା ଓ ମହାମାରୀର ଦ୍ୱିତୀୟ ଲହରର ପ୍ରମୁଖ କାରଣ ସାଜିଥିଲା । ଏହି ନୂତନ ପ୍ରକାର ଭ୍ୟାରିଆଣ଼୍ଟ କେତେ ମାରାତ୍ମକ ହୋଇପାରେ ସେ ସମ୍ବନ୍ଧରେ ଏପର୍ଯ୍ୟନ୍ତ କୌଣସି ସୂଚନା ନାହିଁ, ଡେଲଟା ପ୍ଲସ୍ ହେଉଛି ‘ମୋନୋକ୍ଲୋନାଲ ଆଣ୍ଟିବଡି କକଟେଲ’ । ଦିଲ୍ଲୀସ୍ଥିତ CSIR- ଇନଷ୍ଟିଚ୍ୟୁଟ୍ ଅଫ୍ ଜେନୋମିକ୍ସ ଆଣ୍ଡ ଇଣ୍ଟିଗ୍ରେଟିଭ୍ ବାୟୋଲୋଜି (ଆଇଜିବି) ର ବୈଜ୍ଞାନିକ ବିନୋଦ ସ୍କାରିଆ ରବିବାର ଦିନ ଟ୍ୱିଟ୍ କରି କହିଛନ୍ତି ଯେ K417N ମ୍ୟୁଟେସନ୍ B1.617.2 ପ୍ରକାରକୁ AY.1 ଭାବରେ ମଧ୍ୟ ଜଣାଶୁଣା। ସେ କହିଛନ୍ତି ଯେ ଏହି ପରିବର୍ତ୍ତନ SARS-CoV-2 ର ସ୍ପାଇକ୍ ପ୍ରୋଟିନରେ ଘଟିଛି, ଯାହା ଜୀବାଣୁ ମାନବ କୋଷକୁ ସଂକ୍ରମିତ କରିବାରେ ସାହାଯ୍ୟ କରିଥାଏ ।ସ୍କାରିଆ ଟ୍ୱିଟରରେ ଲେଖିଛନ୍ତି, “K417Nରୁ ଷ୍ଟ୍ରେନ୍ ଏପର୍ଯ୍ୟନ୍ତ ଭାରତରେ ନାହିଁ। ଏହି କ୍ରମଗୁଡିକ ପ୍ରାୟତଃ ୟୁରୋପ, ଏସିଆ ଏବଂ ଆମେରିକାରୁ ରିପୋର୍ଟ କରାଯାଇଛି।