ବୈପାରିଗୁଡ଼ା ବାଘଝୋଲା ଗ୍ରାମର ରାସ୍ତା ତଦାରଖ କରିବାକୁ ଯାଇ ଫସିଲେ ବିଡ଼ିଓ

ବାଘଝୋଲା ଗ୍ରାମର ରାସ୍ତା ତଦାରଖ କରିବାକୁ ଯାଇ ଫସିଲେ ବିଡ଼ିଓ*
ବୈପାରିଗୁଡ଼ା ୧/୮ କାଦୁଅରେ ଫସିଲା ବୈପାରିଗୁଡ଼ା ଗୋଷ୍ଠୀ ଉନ୍ନୟନ ଅଧିକାରୀଙ୍କ ଅଫିସ ଗାଡ଼ି। ଗାଡ଼ିଟି କାଦୁଅରେ ଫସିବା ପରେ ପ୍ରାୟ ୩୦ ମିନିଟରୁ ଉର୍ଦ୍ଧ ସମୟ ଧରି ଅଟକି ରହିଲେ ବିଡ଼ିଓ। ସୂଚନା ମୁତାବକ ଗତକାଲି ବାଘଝୋଲା ଗ୍ରାମର ଜଣେ ବୃଦ୍ଧା ମହିଳାଙ୍କୁ ଖଟିଆରେ ବହି ଡ଼ାକ୍ତରଖାନା ଆଣିଥିବା ଖବର ପ୍ରସାରଣ ହେବାପରେ ବୈପାରିଗୁଡ଼ା ଗୋଷ୍ଠୀ ଉନ୍ନୟନ ଅଧିକାରୀ ଭାସ୍କର ଚନ୍ଦ୍ର ସାହୁ ବାଘଝୋଲା ଗ୍ରାମର ରାସ୍ତା ତଦାରଖ କରିବାକୁ ଯାଇଥିଲେ। ଫଳରେ ବୈପାରିଗୁଡ଼ା ଗୋଷ୍ଠୀ ଉନ୍ନୟନ ଅଧିକାରୀଙ୍କ ଅଫିସ ଗାଡ଼ିଟି ବାଘଝୋଲା ଗ୍ରାମର କାଦୁଅ ରାସ୍ତାରେ ଫସି ଯାଇଥିଲା।  ଗାଡ଼ି ଚାଳକ ଗାଡ଼ିଟିକୁ କାଦୁଅରୁ ବାହାର କରିବାକୁ ଯେତେ ଚେଷ୍ଟା କରିଥିଲେ ମଧ୍ୟ ଗାଡ଼ିଟି ବାହାରି ନଥିଲା। ପ୍ରାୟ ଅଧଘଣ୍ଟା ଧରି ବିଡ଼ିଓଙ୍କ ଗାଡ଼ି କାଦୁଅରେ ଫସି ରହିଥିବାରୁ ଶେଷରେ ଉପାୟ ନପାଇ ଟ୍ରାକ୍ଟର ଡାକି ଟଚନ କରି ଗାଡ଼ିଟି ବାହାର କରିଥିବା ଦେଖିବାକୁ ମିଳିଛି। ତେବେ ଏହିପରି ଦୃଶ୍ୟ ଘଟଣାକୁ ନେଇ ବୈପାରିଗୁଡ଼ା ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ଯୋଗାଯୋଗ କରିବା ପରେ ରାସ୍ତା ଅତି ସଚନୀୟ ଅବସ୍ଥା ହୋଇଛି ବର୍ଷାଦିନ କମିଲେ ଅତିଶୀଘ୍ର ରାସ୍ତା କାମ ମରାମତି କରାଯିବ ବୋଲି ଗୋଷ୍ଠୀ ଉନ୍ନୟନ ଅଧିକାରୀ ଭାସ୍କର ଚନ୍ଦ୍ର ସାହୁ ସୂଚନା ଦେଇଛନ୍ତି।