ଦଶମ ଶ୍ରେଣୀ ଛାତ୍ରୀଙ୍କୁ ଅପହରଣ ପରେ ଦୁଷ୍କର୍ମ ଅଭିଯୋଗ

ଓଡିଶା, ଅଗଷ୍ଟ ୧୨ ଦଶମ ଶ୍ରେଣୀ ଛାତ୍ରୀଙ୍କୁ ଦୁଷ୍କର୍ମ । ବନ୍ଧା ହେଲେ ଯୁକ୍ତ 3 ଛାତ୍ର । ଏପରି ଅଭାବନୀୟ ଘଟଣା ଘଟିଛି କୋରାପୁଟ ଜିଲ୍ଲା ଲକ୍ଷ୍ମୀପୁର ବ୍ଲକରେ । ସୂଚନା ଅନୁସାରେ, ଲକ୍ଷ୍ମୀପୁର ବ୍ଲକର ତୟାପୁଟ ପଞ୍ଚାୟତରେ ଜଣ ଦଶମ ଶ୍ରେଣୀ ଛାତ୍ରୀଙ୍କୁ ଅପହରଣ କରି ନିଆଯାଇଥିଲା । ଜଣେ ଯୁକ୍ତ 3 ଛାତ୍ର ଛାତ୍ରୀଙ୍କୁ ଅପହରଣ କରି ଶାରୀରିକ ସମ୍ପର୍କ ରଖିଥିଲା । ଏନେଇ ପୀଡ଼ିତାଙ୍କ ପରିବାର ଲୋକେ ଥାନାରେ ଅଭିଯୋଗ କରିଥିଲେ । ଏହି ମାମଲା ଆଧାରରେ ପୋଲିସ ଛାତ୍ରକୁ ଗିରଫ କରି କୋର୍ଟ ଚାଲାଣ କରିଛି । ସୂଚନାଯୋଗ୍ୟ ଯୁକ୍ତ 3 ଛାତ୍ର ଜଣକ ରାଜଧାନୀର ଏକ ପ୍ରତିଷ୍ଠିତ କଲେଜରେ ଯୁକ୍ତ3 ପଢ଼ନ୍ତି । ସେ ନିଜ ଗାଁ କୁ ବୁଲି ଯାଇଥିବା ବେଳେ ଏପରି କାଣ୍ଡ ଭିଆଇଥିଲେ ।